“მანჩესტერ იუნაიტედის” მთავარ მწვრთნელს ლუის ვან გაალს მიუნხენის “ბაიერნიდან” ტომას მიულერის შეძენა რომ უნდა არახალია. Express.co.uk-ის ცნობით, 25 წლის ფეხბურთელს მეგობრებისთვის უთქვამს, რომ თავადაც სურს “მანჩესტერში” გადასვლა.

“მანჩესტერზე” ვსაუბრობთ და ესპანელმა მეკარე დავიდ დე ხეამ კვირიდან პირველ გუნდთან ერთად გააგრძელა ვარჯიში. ეს იმას სულაც არ ნიშნავს, რომ მისი “რეალში” ტრანსფერი ჩაიშალა. უბრალოდ, ახლა დე ხეას სეზონში პირველი თამაშის ჩატარების შანსი გაუჩნდა. ცნობილი გახდა, რომ ესპანელი ტრანსფერს არ მოითხოვს, თუმცა მას კონტრაქტის ვადის ამოწურვამდე ერთი წლით ადრე, ამის კანონიერი უფლება აქვს. დავიდი ამას იმით ხსნის, რომ სურს “მანჩესტერს” მშვიდობიანად დაემშვიდობოს.