რომის “ლაციოს” ყოფილი კაპიტანი სტეფანო მაური უბრუნდება. 35 წლის ფეხბურთელი უკვე “ფორმელოს” ბაზაზე იმყოფება, სადაც “ლაციალეს” პრეზიდენტ კლაუდიო ლოტიტოს შეხვდება და დიდი ალბათობით ერთთვიანი განშორების შემდგომ გუნდს დაუბრუნდება.

ვეტერან ფეხბურთელს “არწივებთან” კონტრაქტი გასული სეზონის დასრულების შემდგომ ამოეწურა და “ლაციო” დატოვა, თუმცა როგორც ჩანს, დროებით.

მაურიმ გასულ სეზონში რომაული გუნდის რიგებში 29 მატჩში 9 გოლი გაიტანა. “ლაციოს” ღირსებას კი 2005 წლიდან მოყოლებული იცავდა.