ინგლისის “მანჩესტერ იუნაიტედის” ესპანელი მეკარე დავიდ დე ხეა, პრიმერადივიზიონის მეორე ტურში “ასტონ ვილასთან” გასამართი მატჩის განაცხადში ვერ მოხვდა.

შეგახსენებთ, რომ პირველ ტურში, რომელშიც “მანჩესტერმა” “ტოტენჰემი” 1:0 დაამარცხა, 24 წლის მეკარე სათადარიგოთა სკამიდან არ წამომდგარა. იმის ფონზე, რომ დე ხეას მიმართ მადრიდის “რეალი” განსაკუთრებულ ინტერესს იჩენს, ESPN ტრანსფერის უმოკლეს ვადებში განხორციელებას ვარაუდობს.

ცოტა ხნის წინ “წითელი ეშმაკების” მთავარმა მწვრთნელმა ლუის ვან გაალმა განაცხადა, რომ დე ხეას სასტარტო შემადგენლობაში სექტემბრამდე არ დააბრუნებს, რადგან სატრანსფერო ხმაურის გამო ფეხბურთზე კონცენტრირებას ვერ ახერხებს და საუკეთესო ფორმისგან შორსაა. შეგახსენებთ, რომ პოტენციური გარიგების სატრანსფერო ღირებულება 25-35 მილიონ ევროდ ფასდება. გასულ სეზონში ესპანელმა ინგლისის პრემიერლიგის 37 მატჩში 36 გოლი გაუშვა.