მადრიდის “რეალის” დუბლშემადგენლობის, “კასტილიას” მთავარმა მწვრთნელმა ზინედინ ზიდანმა “მარსელის” თავკაცობა იუარა, ირწმუნება L'Equipe.

საფრანგეთის ლიგა 1-ის პირველი ტურის შემდეგ, გუნდის მთავარი მწვრთნელი მარსელო ბიელსა დაკავებული თანამდებობიდან მოულოდნელად გადადგა და ვაკანტურ პოსტზე 43 წლის ფრანგული ფეხბურთის ლეგენდა უპირველეს კანდიდატად ითვლებოდა.

სხვა კანდიდატებს შორის სახელდებიან ამ ზაფხულს დორტმუნდის “ბორუსიადან” წასული იურგენ კლოპი და არაბული “ალ-ჯაზირას” თავკაცი ერიკ გერეტსი, რომელიც “მარსელში” 2007-2009 წლებში მუშაობდა.

აღსანიშნავია, რომ ზიდანი მარსელშია დაბადებული, მაგრამ ამ ქალაქის კლუბში არასდროს უთამაშია და ამ ფაქტს ის ყოველთვის გულისტკივილით იხსენებს.