სტამბოლის “გალათასარაი” 2015 წლის თურქეთის სუპერთასის მფლობელია. ანკარაში გამართულ შეხვედრაში “გალამ” გასული სეზონის ქვეყნის თასის ფინალისტი “ბურსასფორი” 1:0 დაამარცხა. ერთადერთი გოლი მატჩის 21-ე წუთზე ოზტეკმა გაიტანა.
თურქეთის მოქმედმა ჩემპიონმა ქვეყნის სუპერთასი მეთოთხმეტედ მოიგო, რაც თურქეთში სარეკორდოა. “გალათასარაიმ” ამ გამარჯვებით ჰეთრიკი შეასრულა. გუნდი ქვეყნის ჩემპიონი, თასის და სუპერთასის მფლობელია.
