eurobasket.com-ის ცნობით, საქართველოს ეროვნული ნაკრების ცენტრი გიორგი შერმადინი ესპანეთის ჩემპიონატის ბინადარ “ანდორაში” გადავიდა. ჯერჯერობით არც კლუბს და არც კალათბურთელს ამის შესახებ ცნობა არ დაუდასტურებიათ.

შეგახსენებთ, რომ რამდენიმე დღის წინ ევროპულ საკალათბურთო ვებგვერდებზე გაჩნდა ცნობა, რომ “ანდორა” შერმადინის გადაბირებით იყო დაინტერესებული.

შერმადინი ესპანეთის ჩემპიონტში 2013-14 წლების სეზონში თამაშობდა, ის “სარაგოსას” ღირსებას იცავდა.

განვლილ სეზონში “ანდორამ” ესპანეთის უმაღლეს ლიგაში 12 მოგებით და 22 წაგებით მე-14 ადგილი დაიკავა.