სანქტ-პეტერბურგში მსოფლიოს 2018 წლის ჩემპიონატის შესარჩევი ეტაპის წილისყრა გაიმართა. მათ შორის ყველაზე დიდ ინტერესს რა თქმა უნდა, ევროპის კონტინენტის ჯგუფები იწვევდა. საბოლოოდ, ძველი კონტინენტის 52 ქვეყნის ნაკრები 9 ქვეჯგუფში გადანაწილდა. 7 ჯგუფი 6 გუნდისგან შედგა, ხოლო დანარჩენ ორში კი ხუთი ნაკრები განთავსდა.

საქართველოს ეროვნული ნაკრები, რომელიც ბოლო მეექვსე კალათში ყაზახეთის, ლუქსემბურგის, ლიხტენშტეინის, მალტის, სან მარინოსა და ანდორის ნაკრებებთან ერთად იყო განთესილი, D ჯგუფში მოხვდა. "ჯვაროსნების" მეტოქეები მუნდიალის შესარჩევ ციკლში უელსის, ავსტრიის, სერბეთის, ირლანდიისა და მოლდოვის ნაკრებები იქნებიან.

სხვა მხრივ, კი საკმაოდ საინტერესო ჯგუფები ჩამოყალიბდა, რომელთაგანაც განსაკუთრებულ ინტერესს G ჯგუფი იწვევს, რომელშიც ესპანეთისა და იტალიის ნაკრებები მოხვდნენ. "ფურიე როხასა" და "სკუადრა აძურას" მეტოქეები კი ალბანეთი, ისრაელი, მაკედონია და ლიხტენშტეინი არიან.

A ჯგუფი

ჰოლანდია

საფრანგეთი

შვედეთი

ბულგარეთი

ბელარუსი

ლუქსემბურგი

B ჯგუფი

პორტუგალია

შვეიცარია

უნგრეთი

ფარერები

ლატვია

ანდორა

C ჯგუფი

გერმანია

ჩეხეთი

ჩრდილოეთ ირლანდია

ნორვეგია

აზერბაიჯანი

სან მარინო

D ჯგუფი

უელსი

ავსტრია

სერბეთი

ირლანდია

მოლდოვა

საქართველო

E ჯგუფი

რუმინეთი

დანია

პოლონეთი

მონტენეგრო

სომხეთი

ყაზახეთი

F ჯგუფი

ინგლისი

სლოვაკეთი

შოტლანდია

სლოვენია

ლიტვა

მალტა

G ჯგუფი

ესპანეთი

იტალია

ალბანეთი

ისრაელი

მაკედონია

ლიხტენშტეინი

H ჯგუფი

ბელგია

ბოსნია

საბერძნეთი

ესტონეთი

კვიპროსი

I ჯგუფი

ხორვატია

ისლანდია

უკრაინა

თურქეთი

ფინეთი

ევროპის კონტინენტიდან ფიფას მსოფლიო თასზე 13 ნაკრები გააღწევს. ჯგუფების გამარჯვებულები რუსეთის საგზურს ავტომატურად მიიღებენ, ხოლო დანარჩენი 4 ნაკრების ვინაობას კი რვა საუკეთესო მეორე ადგილოსანი პლეი-ოფები გაარკვევს. ხსენებულ 13 ნაკრებს კი მასპინძელი რუსეთი დაემატება, რომელიც შესარჩევი ეტაპიდან თავისუფალია.

ევროპის ზონის საკვალიფიკაციო ეტაპი 2016 წლის 4 სექტემბერს დაიწყება და 2017 წლის 14 ნოემბერს დასრულდება.