გერმანიის ბუნდესლიგის ბინადარ გელზენკირხენის "შალკეს" აწ უკვე ყოფილი ფეხბურთელი ჯეფერსონ ფარფანი კარიერას "ალ ჯაზირაში" გააგრძელებს. ეს ინფორმაცია კლუბებმა ოფიციალურად დაადასტურეს. ფარფანი აზიაში მომდევნო სამი სეზონი ითამაშებს.

30 წლის პერუელი შემტევი "შალკეს" ღირსებას 2008 წლიდან მოყოლებული იცავდა და ამ დროის განმავლობაში გუნდის მაისურით 170 მატჩში 39 გოლი გაიტანა. მანამდე კი იგი ევროპაში ჰოლანდიურ "ეინდჰოვენშიც" ასპარეზობდა.