როგორც Mundo deportivo იუწყება, არსენ ვენგერი “ბარსელონა B-ს” ფეხბურთელ სერხი სამპერით დაინტერესდა. იმ შემთხვევაში თუ კატალონური კლუბი სამპერის იჯარით გაშვებას არ დათანხმდა, ლონდონელებს მოთამაშის გამოსასყიდად 12 მილიონი ევროს გადახდა მოუწევთ.
20 წლის სერხი სამპერი “ლა მასიას” საფეხბურთო სკოლის აღზრდილია, 2013 წლიდან კი “ბარსელონა B-ს” შემადგენლობაში თამაშობს.
სეგუნდა დივიზიონის გასულ სეზონში სამპერმა “ბარსელონა B-ს” შემადგენლობაში 34 მატჩი ჩაატარა.
