მიუნხენის “ბაიერნმა” არტურო ვიდალთან დაკავშირებით ტურინის “იუვენტუსთან” შეთანხმებას მიაღწია. “ბაიერნის” აღმასრულებელი დირექტორის კარლ-ჰაინც რუმენიგეს განცხადებით ჩილელი ახალ სეზონს გერმანულ კლუბში დაიწყებს.
“სამედიცინო გამოკვლევის შემდეგ ვიდალი “ბაიერნთან” ერთად ივარჯიშებს, რაც სავარაუდოდ შემდეგ კვირაში მოხდება”, - აღნიშნა რუმენიგემ.
ამ ეტაპზე უცნობია სატრანსფერო ფასისა და კონტრაქტის ხანგრძლივობა.
შეგახსენებთ სამხრეთ ამერიკელს ბუნდესლიგაში თამაშის გამოცდილება აქვს. ვიდალი 2007-11 წლებში ლევერკუზენის “ბაიერის” წევრი იყო.
