ლეგენდარული ბრაზილიელი პელე სან-პაულუს საავადმყოფოდან გამოწერეს. 74 წლის ბრაზილიელმა ზურგის ოპერაცია გაიკეთა. როგორც ბრაზილიური საიტები წერენ, ოპერაციამ წარმატებით ჩაიარა. პელემ საავადმყოფოში 5 დღე გაატარა. ედსონ არანტეს დო ნასიმენტოს შარშანაც გაუკეთეს ოპერაცია, ოღონდ კუჭის.

პელემ პირველი კომენტარი გააკეთა და თქვა, რომ თავს კარგად გრძნობს. ის 23 ოქტომბერს ხდება 75 წლისა და საერთოდ, ბოლო თვეებს თუ არ ჩავთვლით, რკინის ჯანმრთელობა აქვს.