ბელგიის საფეხბურთო იუპილერ ლიგაში (უმაღლესი ლიგა) მოასპარეზე “გენკმა”, რომლის რიგებში თორნიკე ოქრიაშვილი და ლუკა ზარანდია ირიცხებიან, ამხანაგურ შეხვედრაში საფრანგეთის ლიგა 1-ის წარმომადგენელი “ნანტი” 1:0 დაამარცხა.

ინგლისის “ჩარლტონთან” (1:0) სპარინგის მსგავსად, ბელგიელთა რიგებში კვლავ მხოლოდ ლუკა ზარანდიამ ითამაშა. ახალგაზრდა ქართველი შემტევი ნახევარმცველი მოედანზე მეორე ტაიმში გავიდა. ოქრიაშვილი “გენკის” შემადგენლობაში ისევ არ გამოჩენილა.