"ლოს ანჯელეს გალაქსიმ" აშშ-ს ჩემპიონატში მორიგი მატჩი გამართა და "სან ხოსე" 5:2 გაანადგურა. MLS-ში "ლივერპულიდან" გადაბარგებულმა სტივენ ჯერარდმა დებიუტი გოლით აღნიშნა. მასპინძლები 25-ე წუთზე უკვე 0:2 აგებდნენ. 30-ე წუთზე ინგლისელზე მეტოქე ფეხბურთელმა იუხეშა და რობი კინმა ანგარიში მინიმუმამდე დაიყვანა, ხოლო 7 წუთში ჯერარდმა თავად გაიტანა. 67-ე წუთზე ინგლისელმა საგოლე გადაცემა ჩაიწერა აქტივში და მისი გადაცემით კინმა ისარგებლა. საბოლოოდ ირლანდიელმა ჰეთრიკი შეასრულა, ხოლო მეხუთე გოლი სებასტიან ლიტგეტის ანგარიშზეა (VIDEO).

აღნიშნული შეხვედრა სტივენისთვის ახალ გუნდში მესამე გახლდათ. პირველი მატჩი 35 წლის ფეხბურთელმა მექსიკური "ამერიკის" წინააღმდეგ საერთაშორისო ჩემპიონთა თასზე ჩაატარა, შემდეგ კი აშშ-ს თასზე "სოლტ ლეიკთან" მატჩში გაისარჯა.