ქართველმა სუმოისტმა თეიმურაზ ჯუღელმა იგივე გაგამარუმ ნაგოიას ბაშოს სტარტზე განცდილ სამ მარცხს სამი მოგება მიაყოლა და ახლა, თანაბარი ბალანსი გააჩნია.

დასავლეთის მე-6 მაეგაშირას წოდებით მოასპარეზე გაგამარუმ აღმოსავლეთის მე-10 მაეგაშირა კიტატაიკი ოშიდაშით დაამარცხა, მისი მომდევნო მეტოქე კი დასავლეთის მე-7 მაეგაშირა ტოიონოშიმა იქნება.

კვლავაც წარუმატებლად ირჯება ტოჩინოშინის შიკონათი ცნობილი ლევან გორგაძე. მან ერთადერთი მოგების ფონზე მე-5 მარცხი (ოშიდაშით) ოძეკი გოეიდოსთან განიცადა.

შეგახსენებთ, რომ ტოჩინოშინი ივლისის სუპერტურნირზე აღმოსავლეთის პირველი მაეგაშირას წოდებით ირჯება, შემდეგი ორთაბრძოლა კი დასავლეთის მე-4 მაეგაშირა ტაკეკაძესთან ელის.

ექვს-ექვსი გამარჯვებით ნაგოიას ბაშოს იოკოძუნები ჰაკუჰო და კაკურიუ, ოძეკი ტერუნოფუჯი და დასავლეთის მე-14 მაეგაშირა კაგამიო ლიდერობენ.

ივლისის ბაშოს მე-6 დღის მიმოხილვა

გაგამარუს ორთაბრძოლა 4:57-დან, ტოჩინოშინის - 10:04-დან