თბილისის "დინამოს" ყოფილი ფეხბურთელი და საქართველოს ნაკრების წევრობის კანდიდატი გიორგი მერებაშვილი ახლა უკვე ოფიციალურად საბერძნეთის სუპერლიგის ბინადარ "ვერიაში" ითამაშებს. ამის შესახებ ბერძნული გუნდის ვებგვერდი იუწყება. 28 წლის შემტევმა "ვერიასთან" 2 წლიანი კონტრაქტი გააფორმა და გუნდში 11 ნომრიანი მაისურით ითამაშებს.

ქართველი თავდამსხმელი ბოლოს ასევე ბერძნულ ოფიში ირჯებოდა, რომელსაც ფინანსური პრობლემები შეექმნა და გუნდი დატოვა. ოფის რიგებში მერებაშვილმა 17 შეხვედრაში 4 გოლის გატანა შეძლო.