უმაღლეს ლიგაში აღზევებულმა თბილისურმა გუნდმა “საბურთალომ” ამხანაგური შეხვედრა ბოლნისის “სიონთან” გამართა და 4:0 დაამარცხა.
“ბენდელაზე” გამართულ შეხვედრაში ანგარიში მე-13 წუთზე ბექა გვარაძემ გახსნა. 15 წუთის შემდეგ გურამ გოშთელიანმა სხვაობა ორამდე გაზარდა. 39-ე წუთზე გიორგი ფანცულაიამ ანგარიში 3:0 გახადა, ხოლო მეორე ტაიმის განახლებიდან 10 წუთში სანდრო ალთუნაშვილმა მატჩის საბოლოო ანგარიში 4:0 დააფიქსირა. (VIDEO)
მომდევნო შეხვედრას “საბურთალო” 19 ივლისს საგურამოში “ლოკომოტივთან” გამართავს, მატჩი 18:00 საათზე დაიწყება. ორი დღის შემდეგ კი გიორგი ჭიაბრიშვილის შეგირდები თერჯოლის “საპოვნელას” “ბენდელაზე” უმასპინძლებენ.
