32 წლის გამოცდილი ამერიკელი მძიმე ფორვარდი ამარე სტაუდმაიერი “მაიამი ჰიტში” გადავიდა, აღნიშნულ ინფორმაციას კლუბის ოფიციალური ვებგვერდი ავრცელებს. წყაროს ცნობით, ამარემ “მაიამისთან” 1-წლიან კონტრაქტს მოაწერა ხელი.

ამარე 2010-2015 წლებში “ნიუ იორკ ნიქსში” ასპარეზობდა, ხოლო 2014-2015 წლების სეზონის მეორე ნახევარში “დალასში” გადავიდა, მაგრამ როგორც ჩანს კლუბის და 32 წლის კალათბურთელის გზები მალევე გაიყო.

სტაუდმაიერი ნბა-ს 14-წლიან კარიერაში საშუალოდ ერთ მატჩში 19.8 ქულას, 8.1 მოხსნას და 1.3 პასს აკეთებდა.