ესპანეთის ეროვნული ნაკრების და აწ უკვე მადრიდის “რეალის” მეკარე იკერ კასილიასი მომდევნო სეზონში კარიერას “პორტუს” რიგებში გააგრძელებს. “სამეფო გუნდის” ოფიციალური ვებგვერდის ინფორმაციით, კლუბებს შორის შეთანხმება შედგა და გუნდის ერთ-ერთი ლეგენდარული მოთამაშე პორტუგალიაში იასპარეზებს.

აღნიშნულ ინფორმაციას დღეს თავად გოლკიპერი “სანტიაგო ბერნაბეუს” საპრესკონერენციო დარბაზში გაავრცელებს.

კასილიასმა მადრიდს “რეალის” მაისურით 1999 წლიდან დღემდე 725 მატჩი ჩაატარა. გუნდთან ერთად ესპანელმა ლა ლიგა 5-ჯერ, ესპანეთი სამეფო თასი 2-ჯერ, სუპერთასი 4-ჯერ, ჩემპიონთა ლიგა 3-ჯერ, უეფას სუპერთასი 2-ჯერ და ფიფას საკლუბო მსოფლიო თასი ერთხელ მოიგო.