ამირან სანაია საფეხბურთო კლუბ “პარიზის” შემადგენლობაში საფრანგეთის ლიგა 2-ში (რანგით პირველი ლიგა) ითამაშებს.

25 წლის მცველი “პარიზში” შარშან გადავიდა და პირველ გუნდში ნაციონალ ლიგაში (მე-2 ლიგა) 3 მატჩი ჩაატარა, ხოლო მეორე გუნდში – 8.

სეზონის დასრულების შემდეგ, ის “პარიზში” დარჩა და ამჟამად, მოსამზადებელ პერიოდს გადის.

“პარიზმა” ამხანაგური თამაში ინგლისის ჩემპიონშიპის წარმომადგენელ “ვულვზთან” ჩაატარა და 0:1 დამარცხდა. ქართველი მარცხენა მცველი თამაშში 68-ე წუთიდან ჩაერთო.

სანაია საფრანგეთში 2010-2011 წლების სეზონიდან გამოდის და “პარიზის” გარდა, “ბასტიასა” და “ლუზენაკში” უთამაშია.