სარეკლამო ადგილი - 12
X x X
ფეხბურთი

13:02 | 11.07.2015 | ნანახია 7790 - ჯერ

ალექსანდრე იაშვილი: “სიტყვები არ მყოფნის” 

თბილისის “დინამოს” შემტევმა ალექსანდრე იაშვილმა ინტერნეტპორტალ apasport.az_თან ინტერვიუში განაცხადა, რომ ევროპა ლიგის პირველ საკვალიფიკაციო ეტაპზე “გაბალასთან” საპასუხო მატჩში ქართულმა გუნდმა ზეწოლას ვერ გაუძლო.

- ისე ჩანდა, რომ გაბალაში ფრესთვის ჩახვედით...

- ვერ ვიტყვი, რომ ფრეზე ვთამაშობდით. ჩვენი მთავარი ამოცანა გოლის არგაშვება იყო. თუმცა, მატჩის მიწურულს მეტოქის ზეწოლას ვერ გაუძელით. ძალიან გულდაწყვეტილები ვართ და ამიტომ, სიტყვებიც არ მყოფნის.

- ასეთ დასასრულს არ ელოდით?

- გაბალაში წასაგებად არ ჩავსულვართ. ადრეც ვთქვი, რომ “დინამოს” მიზანი ამ ეტაპის გავლაა. თუმცა, საფინალო სასტვენამდე რამდენიმე წუთით ადრე ეს შანსი ხელიდან გავუშვით. შევეცადეთ ჩვენი თამაში გვეჩვენებინა და დაცვაში არ “ჩავკეტილვართ”.

- შეიძლება ითქვას, რომ წითელმა ბარათმა მატჩის ბედი გადაწყვიტა?

- რა თქმა უნდა, მატჩში გარდატეხა წითელი ბარათის შემდეგ მოხდა, რადგან უმცირესობაში თამაში ძალიან ძნელია. სამწუხაროდ, როგორც თბილისში, ასევე, გაბალაში კაცნაკლული დავრჩით. თამაშს ისედაც მეტოქე აკონტროლობდა და მას მერე რაც ათნი დავრჩით, ზეწოლა უფრო გაიზარდა.

- ძალიან დამწუხრებული გამოიყურებით და ჩვენს კითხვებზე პასუხის გაცემაც არ გსურთ. მარცხმა ასე დაგამწუხრათ?

- ჩვენ არა მხოლოდ წავაგეთ, არამედ შემდეგ ეტაპზე ვერ გავედით.

- მატჩის ბოლომდე რატომ არ ითამაშეთ?

- მთავარმა მწვრთნელმა ასე გადაწყვიტა. შეცვლებზე პასუხისმგებელი ისაა. ამასთან გვერდიდან უკეთ ჩანს. მან შეცვლა საჭიროდ ჩათვალა და ეს გააკეთა.

- “გაბალას” თამაშზე რას იტყვით?

- ჩემი გუნდის თამაშზე უფრო მეტს ვფიქრობდი. ვიცოდით, რომ “გაბალა” გამარჯვებაზე ითამაშებდა. მეტოქის რამდენიმე ფეხბურთელს ვიცნობდი, რადგან მათ წინააღმდეგ “ინტერში” მითამაშია. ჩვენც გამარჯვებისთვის ვიბრძოდით.

Loading...

კომენტარები (11)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
23:27 | 11.07.2015
cesare (843)

იაშკაზე კაციშვილს არ მოუბრუნდება პირი რო რამე თქვას პირიქით დასაფასებელია ამხელა დონის ფეხბურთელი ჩამოვიდა და გვერდში დაუდგა დინამოს ,მაგრამ საწყენი ის არის რომ ეს ჩაკეტილი წრე არა და არ დაირღვა ეხლა გამოვა ერთ კვირაში ფიფია და იტყვის რო აიო სამწუხაროდო წავაგეთო და ეხლაო ვიწყებო გუნდის შენებასო და იქითა წელსო დარწმუნებული ვარო ამ დროსო ჩვენ ანგარიშგასაწევი გუნდი ვიქნებით და ლიგაზე თუა რა ევროპას ჩაგახუტებთო , მერე მოვა ეს დრო და დაიჭერს დინამოს პიუნიკი ან კაიტარი და ისევ წააგებს ,მერე ისევ გამოვა ფიფია და კაროჩე ტოტალიზატორში შეიძლება ფულის დადება რამდენი წელი გააგრძელებს ასე ფიფია გამოსვლას და იგივეს გამეორებას 4,5 წელზე ნაკლებს 2.25 აქვს კოეფიციენტი 6.5 ნაკლებს 3.0 12,5ნაკლებს 10.75 კოეფიციენტი :დ:დდ

20:22 | 11.07.2015
stoikovich (5823)

7-8 წლის წინანდელი იაშკა მარტო მოუგებდა გაბალას...

19:23 | 11.07.2015
fan-fun (222)

http://f-picture.net/lfp/s017.radikal.ru/i418/1507/e3/a15d8c216e3a.png/htm

უეფას საკლუბო რეიტინგი რეგიონში (საქართველო, აზერბაიჯანი, სომხეთი) დღევანდელი მდგომარეობით

17:57 | 11.07.2015
BEERTRANCE (97819)

იაშკა ნამდვილად შემეცოდა სხვების ხელში

15:51 | 11.07.2015
valderama (59)

იაშკას რა აქვს საბოდიშო?ზოგს თუ გონია რომ ფინანსურად უჭირს და იმიტომ თამაშობს ეგრე არ არის !იაშკას ფეხბურთი უყვარს და საქართველო უყვარს.სამტრედიამ დაუძახა წავიდა!დინამომ დაუძახა წავიდა!მინი ფეხბურთი ითამაშეო და ითამაშა.რომელმა ფეხბურთელმა გააკეთა ეგრე ევროპიდან დაბრუნების შემდეგ.ზუსტად იაშკას მაგალითი აამაღლებს კლასს საქართველოში და არა ვიღაც ტრეფიკინგის მსხვერპლი უცხოელები რომ ჩამოყავთ და საჭმელს აჭმევენ!

15:22 | 11.07.2015
bexo77 (352)

თამაშის დახრჩობა შეიძლებოდა თოთაძის უაზრო წითელი რო არ აეკიდებინა, მერე რაიქნებოდა? ვინმე გაბალაზე უფრო ძლიერ გუნდს შევხვდებოდით და გადაგვირბენდა.

15:08 | 11.07.2015
_svani_ (347)

იაშკა ყველაზე მაგარი კაცია ))))) გენაცვალე ძმაო

13:59 | 11.07.2015
Gela Chitidze (970)

მართლაც შეიძლებოდა გაბალას გავლა, საწყენია რაც მოხდა. ახლა, უკვე გააძლიერონ დინამო და შემდეგი ევროსეზონისთვის ვნახოთ გეგუჩაძეს გუნდს გაბალასნაირები თუ გაუძლებენ.

13:40 | 11.07.2015
ilia_juventus (1142)

არ ვიცი მაგრა. მგონია რომ დილა სოლიდური ანგარიშით მოიგებს. რავი ღმერთმა ქნას.

13:39 | 11.07.2015
ilia_juventus (1142)

ეს ნაბი*ვარი მსაჯები .. რაიყო ამდენი წითელი ბარათი.. კაჩარავა საერთოდ რატომ გააგდო.. ან თოთაძე..

13:21 | 11.07.2015
რაჭა (9609)

ჰო სამწუხაროა, მაგრამ ფაქტია, "გაბალას' გავლა შეიძლებოდა.....

სტატისტიკა
0.210962