ტურინის "იუვენტუსი" მასიმილიანო ალეგრისა და კლაუდიო მარკიზიოს კონტრაქტების განახლების შემდეგ ახალ ხელშეკრულებას ლეონარდო ბონუჩისაც გაუფორმებს. ამის შესახებ "გაძეტა დელო სპორტი" იუწყება. გამოცემის ინფორმაციით, ბონუჩი ტურინში 2020 წლამდე დარჩება და სეზონში 3.5 მილიონ ევროს მიიღებს. ამჟამინდელი კონტრაქტი 28 წლის მცველს 2017 წელს ეწურება. ამავე წყაროს ცნობით, მხარეები უკვე შეთანხმდნენ და ინფორმაცია სულ მალე გაოფიციალურდება.

ლეონარდო ბონუჩი "იუვენტუსს" 2010 წელს "ბარიდან" შეუერთდა და დღემდე შავ-თეთრი მაისური 225 მატჩში მოირგო.