როგორც ბრიტანული გამოცემა Guardian იუწყება, “კრისტალ პალასი” და “პარი სერ ჟერმენი” იოჰან კაბაიეს ტრანსფერის შესახებ შეთანხმდნენ და მომდევნო სეზონში ფრანგს კვლავ პრემიერლიგაში ვიხილავთ.
ჯერჯერობით უცნობია რამდენწლიან კონტრაქტს გააფორმებს კაბაიე “არწივებთან. ინგლისური გუნდი ფეხბურთელის სანაცვლოდ 10 მილიონ გირვანქას გადაიხდის და ბონუსების სახით შესაძლოა ზემოდან 2.8 მილიონიც წაამატოს.
“ნიუკასლში” ასპარეზობის შემდეგ, საფრანგეთის ეროვნული ნაკრების მოთამაშე პსჟ-ს 2014 წლის იანვარში შეუერთდა. გასულ სეზონში ნახევარმცველმა 36 მატჩში 2 გოლი გაიტანა და 1 საგოლე გადაცემა შეასრულა, მოთამაშის სატრანსფერო ღირებულება კი 23-დან 20 მილიონ ევროზე ჩამოვიდა.
