“მანჩესტერ სიტის” “თვითერის” გვერდის ინფორმაციით, “ქალაქელებმა” თურქეთის ეროვნული ნაკრების და აწ უკვე “ბურსასფორის” თავდამსხმელი 18 წლის ენეს უნალი დაიმატეს.

ახალგაზრდა ფეხბურთელმა “ქალაქელებთან” ოთხწლიანი კონტრაქტი გააფორმა, ხოლო ინგლისელებმა თურქებს თავდამსხმელის სანაცვლოდ 3 მილიონი ევრო გადაუხადეს.

ენესი 16 წლის ასაკში გახდა ყველაზე ახალგაზრდა ფეხბურთელი, რომელმაც თურქეთის სუპერლიგაში გოლი გაიტანა. “ბურსასფორის” აკადემიის აღზრდილი ფეხბურთელი მთავარი გუნდის რიგებში 2013 წლიდან ასპარეზობს და 54 მატჩში თავი 7 გოლით გამოიჩინა. ენეს უნალმა 2014 წელს საჩხერის “ჩიხურასთან” ევროპის ლიგის მეორე საკვალიფიკაციო ეტაპის მატჩებშიც მიიღო მონაწილეობა.