შოტლანდიის ეროვნული ნაკრების ნახევარმცველმა ჯეიმს მაკარტურმა “კრისტალ პალასთან” ახალი სამწლიანი კონტრაქტი გააფორმა და ლონდონური გუნდის ღირსებას 2018 წლის ივლისამდე დაიცავს.

ფეხბურთელი “კრისტალ პალასის” ღირსებას 2014 წლის სექტემბრიდან იცავს და გასულ სეზონში ნახევარმცველმა 38 მატჩში თავი 3-3 გოლითა და საგოლე გადაცემით გამოიჩინა. მაკარტურმა 11 ოქტომბერს საქართველოს ნაკრების წინააღმდეგ მოგებულ (1:0) ევროპის ჩემპიონატის საკვალიფიკაციო ეტაპის შეხვედრაში ბოლო ათი წუთი ითამაშა.