ერაყის ეროვნული ნაკრების მცველი ალი ადნან ქადიმი გახდა პირველი ერაყელი ფეხბურთელი, რომელიც იტალიის ჩემპიონატში ითამაშებს. “უდინეზეს” ოფიციალური ვებგვერდის ინფორმაციით, 21 წლის მოთამაშემ კლუბთან 5-წლიანი კონტრაქტი გააფორმა. იტალიელებმა “რიზესფორს” ფეხბურთელის სანაცვლოდ 2.2 მილიონი ევრო გადაუხადეს.

ალი “ბაღდადიდან” თურქულ კლუბში 2013 წელს გადავიდა. გასულ სეზონში მცველმა 47 მატჩი ჩაატარა, გაიტანა 4 გოლი და 10 საგოლე გადაცემა შეასრულა.