ლეგენდარული იტალიელი ფეხბურთელი ალესანდრო დელ პიერო კარს მომდგარი სეზონიდან გულშემატკივარს ახალ ამპლუაში მოევლინება. 40 წლის იტალიელი “სქაი სპორტზე” კომენტატორის როლში იმუშავებს. აღნიშნული ინფორმაცია ტელეკომპანიამ ოფიციალურად დაადასტურა. აღსანიშნავია, რომ დელ პიეროს ამ სამსახურის გამოცდილება აქვს. იგი იმავე არხზე 2014 წლის მსოფლიოს ჩემპიონატის მატჩებს უძღვებოდა.
მის გარდა, იტალიურ “სქაი სპორტთან” ცნობილი იტალიელი ფეხბურთელები ჯუზეპე ბერგომი, ლუკა მარკეჯანი, ალესანდრო კოსტაკურტა, დანიელე ადანი და მასიმო ამბროზინიც თანამშრომლობენ.
