“პორტლენდ ტრეილ ბლეიზერსი” ახლოსაა დამიან ლილარდთან მაქსიმალური კონტრაქტის გაფორმებასთან, რომლის თანახმადაც ამერიკელი გამთამაშებელი 5 წელში 120 მილიონ დოლარს მიიღებს. აღნიშნულის შესახებ ESPN.com იტყობინება.

შეგახსენებთ, რომ პორტლენდელებმა ლილარდი 2012 წლის დრაფტზე მე-6 ნომრად აირჩიეს. გასულ სეზონში მცველმა მონაწილეობა რეგულარული სეზონის 82-ვე მატჩში მიიღო და საშუალოდ 21.0 ქულას, 6.2 პასს და 4.6 მოხსნას აგროვებდა.