ქართველმა ჩოგბურთელებმა წარმატებული სტარტი აიღეს პოლონეთის ქალაქ ტორუნში დაწყებულ ტურნირზე, რომლის საპრიზო ფონდიც 25 ათასი დოლარია.

მე-7 ნომრად განთესილმა სოფო შაფათავამ ხორვატი სილვია ნირიჩი 5:7, 6:3, 6:2 დაამარცხა და მერვედფინალში სლოვაკ რებეკა სრამკოვას ეთამაშება. რუმინელ ირინა მარია ბარასთან ჭიდილი ელის ეკატერინე გორგოძეს, რომელმაც ჩეხ მარტინა ბორეცკას 7:5, 6:3 სძლია.

პირველი წრის მატჩი ჯერაც ჩასატარებელი აქვს სოფო ქვაცაბაიას. მისი მეტოქე პირველ ნომრად განთესილი სლოვაკი კრისტინა კუჩოვა იქნება.

წყვილებში პირველი რეიტინგის მქონე გორგოძემ და შაფათავამ იტალიელებს – გარეგაროს და გატო-მოტიკონეს 6:2, 6:4 სძლიეს და მეოთხედფინალში ქვაცაბაიას და რუმინელ კრისტინა დინუს გაეჯიბრებიან. მათ პოლონელ ბროზდას და უკრაინელ შოშინას 0:6, 6:2, 10:8 მოუგეს.