35 წლის ბრაზილიელი ვარსკვლავი რონალდინიო თურქულ “ანთალიასფორში” მიდის. ფეხბურთელმა ეს თავადაც თქვა და თურქულმა კლუბმაც დაადასტურა.
“მოგესალმებით. მალე თურქეთში ვიქნები თვქენთან ერთად”, – დაწერა რონალდინიომ სოციალურ ქსელში.
“ყველაფერზე შევთანხმდით და ვფიქრობ, უახლოესი ორი დღის განმავლობაში ოფიციალური სახეც მიეცემა ტრანსფერს. ეტოოსა და რონალდინიოს გარდა, კიდევ ერთი ვარსკვლავის შეძენას ვაპირებთ”, – თქვა “ანთალიასფორის” პრეზიდენტმა გულთექინ გენჯერმა.
ცნობისთვის, “ანთალიასფორი” გასულ სეზონში პირველ ლიგაში იყო, უახლოეს სეზონს კი სუპერლიგაში დაიწყებს.
ეტოო და რონალდინიო – ერთ დროს უმძლავრესი დუეტი, რომელიც “ბარსელონას” ჰყავდა. ეტოო და რონალდინიო “ანთალიასფორში” – ღირს თურქეთის ჩემპიონატის ცქერა.
