ლონდონის “ტოტენჰემის” ბრაზილიელი ნახევარმცველი პაულინიო ამიერიდან ჩინურ “გუანჯოუში” ითამაშებს. აღნიშნული ინფორმაცია აზიური გუნდის ვებგვერდმა უკვე ოფიციალურად დაადასტურა. “დეზები” 26 წლის ფეხბურთელის სანაცვლოდ 14 მილიონ ევროს მიიღებენ. პაულინიო “გუანჯოუში” 48 ნომრიანი მაისურით ითამაშებს.

ამ გუნდს პაულინიოს თანამემამულე ლუიშ ფელიპე სკოლარი ავარჯიშებს, რომელიც თავის დროზე ფეხბურთელს ბრაზილიის ნაკრებში რეგულარულად იძახებდა.

გასულ სეზონში პაულინიომ ინგლისის პრემიერლიგაში 15 მატჩში მიიღო მონაწილეობა. “ტოტენჰემის” ღირსებას კი 2013 წლიდან მოყოლებული იცავდა.