საქართველოს ძიუდოისტთა ნაკრები ევროპის პირველ თამაშებზე გუნდური ჩემპიონატის ფინალშია. ირაკლი უზნაძის გაწვრთნილმა გუნდმა ჩეხეთის 5:0 ძლევის შემდეგ, ასევე მშრალად მოუგეს უნგრეთს და კონტინენტის უძლიერესი კლუბის ტიტულის კიდევ ერთხელ მოსაპოვებლად საფრანგეთს დაუპირისპირდებიან.

უნგრეთთან საქართველოს ნაკრების სახელით ამირან პაპინაშვილმა (66 კგ), ნუგზარ ტატალაშვილმა (73 კგ), ავთანდილ ჭრიკიშვილმა (81 კგ), ბექა ღვინიაშვილმა (90 კგ) და ადამ ოქრუაშვილმა (+90 კგ) იჭიდავეს.

პაპინაშვილმა ფელიჩიან ორის სუფთა გდებით სძლია. ტატალაშვილმა ბენც ზამბორი შებოჭა. ჭრიკიშვილმა ლასლო სზოკნიაისთან ვაზარის უპირატესობა იკმარა. ღვინიაშვილმა გაბორ ვერი შებოჭა. ოქრუაშვილმა კი ბაქოს თამაშებზე მოჭიდავე მძიმეწონოსნებს შორის ყველაზე მაღალრეიტინგიანს – ბარნა ბორს ვაზარით მოუგო.

ფრანგებმა ფინალის გზაზე პორტუგალიელები (4:1) და რუსები (4:1) ჩამოიშორეს.

ფინალური ბლოკის შეხვედრები თბილისის დროით 13 საათიდან დაიწყება.

ვასილ მშვილდაძე ბაქოდან