ტურინის “იუვენტუსმა” მადრიდის “რეალს” შესაძლოა ნახევარმცველ ისკოს შეძენის სურვილით მიმართოს.
Gazzetta dello Sport-ის ცნობით, ესპანეთის ნაკრების მოთამაშე იტალიის ჩემპიონის სატრანსფერო სიაში პრიორიტეტადაა შეყვანილი.
აღსანიშნავია, რომ 23 წლის ფეხბურთელის კონტრაქტში გამოსასყიდ თანხად 106 მილიონი გირვანქა სტერლინგია მითითებული, რაც ტრანსფერის განხორციელების ალბათობას მნიშვნელოვნად ამცირებს. მიუხედავად ამისა, ამ ეტაპისთვის ის “ჩელსის” ნახევარმცველ ოსკარის ერთადერთ ალტერნატივადაა მიჩნეული და თუ მასიმილიანო ალეგრიმ ბრაზილიელი ნახევარმცველი ვერ შეიძინა, ესპანელზე გადაერთვება.
პრიმერა დივიზიონის გასულ სეზონში ისკომ 34 მატჩში 4 გოლი გაიტანა და რვა შედეგიანი გადაცემა გააკეთა.
