იტალიის ვიცე-ჩემპიონმა "რომამ" სარდინიული "კალიარიდან" ბელგიის ნაკრების ნახევარმცველი რაჯა ნაინგოლანი ოფიციალურად გამოისყიდა. ამის შესახებ რომაული გუნდის ვებგვერდი იუწყება.
"საფეხბურთო კლუბმა "რომამ" "კალიარისთან" მიღწია შეთანხმებას რაჯა ნაინგოლანის ტრანსფერის გამოსყიდვის თაობაზე. ისინი 9 მილიონ ევროს მიიღებენ", - წერს "რომას" ვებგვერდი.
მის გარდა, სარდინიული გუნდიდან კოლუმბიელი ვიქტორ იბარბოც რომში დარჩება, რომელიც "სტადიო ოლიმპიკოზე" მომდევნო სეზონსაც იჯარით გაატარებს.
ნაინგოლანი "რომაში" 2014 წლის იანვრის თვიდან მოყოლებული იჯარით თამაშობდა. გასულ სეზონში კი იგი "რომას" გულშემატკივართა გამოკითხვით გუნდის საუკეთესო ფეხბურთელად დასახელდა.
