გამოცდილი ბრაზილიელი ფეხბურთელი ლუსიო კარიერას ინდოეთში გააგრძელებს. 37 წლის მცველი საფეხბურთო კლუბ "გოას" ღირსებას დაიცავს. ამის შესახებ თავად ინდოეთის გუნდი იუწყება.

ლუსიოს კარიერის საუკეთესო პერიოდი ლვერკუზენის "ბაიერში", მიუნხენის "ბაიერნსა" და მილანის "ინტერში" გაუტარებია. ბოლოს კი იგი ბრაზილიის "პალმეირასში" ირჯებოდა, რომლის რიგებშიც გასულ სეზონში 21 მატჩი ჩაატარა და 2 გოლიც გაიტანა.