მერსისაიდული “ლივერპული” პრემიერლიგიდან გავარდნილი “ქუინზ პარკ რეინჯერსის” თავდამსხმელით ჩარლი ოსტინით დაინტერესდა. აღნიშნულ ცნობას ცნობილი ბრიტანული გამოცემა The Sun ავრცელებს.

ოსტინი ლონდონურ კლუბს ნამდვილად დატოვებს, რადგან ის დასრულებული პრემიერლიგის ერთ-ერთისაუკეთესო ბომბარდირი გახდა და მისით რამდენიმე კარგი კლუბი სერიოზულად ინტერესდება. შესაბამისად, გასაკვირი არაა, რომ ჩარლის ჩემპიონშიფში თამაში არ სურს.

მას ქპრ-სთან მოქმედი კონტრაქტი 2016 წლამდე აკავშირებს და კლუბის ხელმძღვანელობა დაახლოებით 20 მილიონ ევროდ აფასებს.

ჩარლიმ დასრულებულ სეზონში 36 მატჩი ჩაატარა, 18 გოლი გაიტანა და 7-ჯერ გუნდელებს გაატანინა.

“ლივერპულის” გარდა, მისით “ნიუკასლი” და “საუთჰემპტონი” ინტერესდებიან.