იტალიის სერია A-ს ბინადარ "ჯენოასა" და ეროვნული ნაკრების მეკარე მატია პერინის მიმართ დაინტერესებას ევროპული კლუბები გამოთქვამენ. 22 წლის კიპერის აგენტმა მატეო როჯიმ გამოცემა romanewvs.eu-თან საუბარში განაცხადა, რომ პერინისთვის ახლა მთავარი თამაშია და არა ფული.
"რომა"? - პირადად მე რომაელთაგან არავინ დამკავშირებია. რაც შეეხება მიუნხენის "ბაიერნს", მათი 22 მილიონ ევროიანი შემოთავაზება ჯერ კიდევ ერთი წლის წინ უარვყავით, რადგან მატიასთვის ახლა მთავარი თამაშია და არა ფული. "ბაიერნში" კი მას მანუელ ნოიერის დუბლიორობა მოუწევდა. იგი გუნდს მხოლოდ იმ შემთხვევაში შეიცვლის, თუ ეს უკეთესობისკენ წაადგება", - განაცხადა პერინის აგენტმა.
მატია პერინიმ გასულ სეზონში იტალიის ჩემპიონატში 32 მატჩი ჩაატარა და თავის პოზიციაზე ერთ-ერთი გამორჩეული იყო.
