ტურინის “იუვენტუსის” 22 წლის ფორვარდ ალვარო მორატას წარმატებული სეზონი ჰქონდა. ესპანელმა ფეხბურთელმა გამოცემა el partido de las 12-ს ინტერვიუ მისცა, რომელშიც საინტერესო საკითხებზე ისაუბრა. მისი თქმით, რაფაელ ბენიტესს იცნობს, თუმცა ტურინიდან წასვლას არ გეგმავს, რადგან იქ თავს კარგად გრძნობს.

ბერლინის ფინალზე – “დამწუხრებული ვარ “ბარსელონასთან” წაგებით. ვიცე-ჩემპიონები ისტორიაში ვერ შედიან. ეს დიდი შანსი იყო, მაგრამ ჩვენ წინ ვიყურებით და იმედია, კიდევ ვითამაშებთ ფინალში, რომელსაც მოვიგებთ”.

განვლილ სეზონზე – “ეს არ ყოფილა ჩემი სეზონი, ეს გუნდის გახლდათ. ზედიზედ მეოთხედ მოვიგეთ სკუდეტო, ჩამოვყალიბდით შესანიშნავ ჯგუფად. ჩემი თანაგუნდელები კარგად მიგებდნენ, თითქოს 5 წელი ერთად გვეთამაშოს. გასულ სეზონში ფიზიკურად უფრო გავიზარდე”.

“იუვენტუსში” გადასვლაზე – “ტურინში გადასვლა მინდოდა. ერთი წლის წინ “დორტმუნდიც” მთავაზობდა კონტრაქტს, თუმცა “იუვენტუსში” თამაში მინდოდა”.

სამი ხედირას ტრანსფერზე – “კმაყოფილი ვარ მისი შეძენით. იგი დიდებული ფეხბურთელია”.

თანაგუნდელებზე – “პოგბა მსოფლიოში ერთ-ერთი საუკეთესოა და იმედი მაქვს, რომ ჩვენთან დარჩება. ლორენტე კი შესანიშნავი ფეხბურთელი და ადამიანია. მის შემთხვევაშიც იმედია, რომ ისევ ერთად ვითამაშებთ”.

ბენიტესზე და “რეალში” შესაძლო დაბრუნებაზე – “ბენიტესს ვიცნობ, მაგრამ მასთან არ მისაუბრია. ტურინში თავს ძალიან კარგად ვგრძნობ”.

ალვარო მორატა “იუვენტუსში” ერთი წლის წინ გადავიდა. გასულ სეზონში ახალგაზრდა ფორვარდმა ტურინული გუნდის მაისურით ჯამში 14 გოლი გაიტანა.