როგორც Daily Mail-ი იუწყება, “მანჩესტერ იუნაიტედი” გრეგორი ვან დერ ვილით დაინტერესდა. 27 წლის ჰოლანდიელი ფეხბურთელის ტრანსფერთან დაკავშირებით ინგლისურმა კლუბმა უკვე მიმართა პსჟ-ს, სავარაუდო სატრანსფერო თანხად კი 7 მილიონი სტერლინგი დასახელდა.
აღნიშნული წყაროს ცნობით, დანი ალვეშის პსჟ-ში გადასვლის შემთხვევაში ვან დერ ვილის ტრანსფერი ძალიან რეალური გახდება, თუმცა ამ ეტაპზე უცნობია ჰოლანდიელის მომავალი კლუბის ვინაობა.
ჰოლანდიის ეროვნული ნაკრების ფეხბურთელისადმი ინტერესს ასევე ამჟღავნებს “რომა”.
გრეგორი ვან დერ ვილი “აიაქსის” საფეხბურთო სკოლის აღზრდილია, 2007-2012 წლებში “აიაქსის” ძირითად გუნდში თამაშობდა, 2012 წლიდან კი პარიზული კლუბის წევრია.
