ქალთა შორის საქართველოს პირველი ჩოგანი სოფო შაფათავა ბელარუსის დედაქალაქ მინსკში დაწყებულ საერთაშორისო ტურნირში (საპრიზო ფონდი 25 ათასი დოლარი) ჩაება და წყვილთა შეჯიბრში პირველი გამარჯვებაც იზეიმა.

მე-2 ნომრად განთესილმა შაფათავამ და უკრაინელმა ანასტასია ვასილიევამ ასევე უკრაინელებს იანჩუკს და სოტნიკოვას 6:2, 7:6 (10:8) სძლიეს და მეოთხედფინალში გააღწიეს, სადაც რუსებს – ივახნენკოს და მონოვას გაეჯიბრებიან.

ერთეულთა ტურნირში სოფოს მე-4 რეიტინგი გააჩნია და პირველ რაუნდში ძალებს კვალიფიკაციის ერთ-ერთ გამარჯვებულ სვიატლანა პირაჟენკასთან (ბელარუსი) მოსინჯავს.