საქართველოს ფეხბურთელთა ეროვნული გუნდი, რომელსაც კახა ცხადაძე წვრთნის, 9 ივნისს ავსტრიის ქალაქ ლინცში ამხანაგურ მატჩს უკრაინის ნაკრებთან ჩაატარებს.

ხსენებული ნაკრებები არსებობის განმავლობაში ერთმანეთს 8-ჯერ დაპირისპირებიან და ქართველებს არცერთხელ მოუგიათ. უკრაინელებმა 5-ჯერ გაიმარჯვეს და სამი შეხვედრა ფრედ დასრულდა.

ევროპის და მსოფლიოს ჩემპიონატების შესარჩევ ციკლებში, საქართველოს ნაკრებს უკრაინაში ქულაც არ აუღია. თავის მხრივ, უკრაინელებს ევროპირველობისა და მუნდიალის საკვალიფიკაციო ეტაპებზე თბილისში არასოდეს მოუგიათ – ორივე მატჩი ერთნაირი ანგარიშით 1:1 დასრულდა.

უკრაინელი ოლეგ გუსევი ორივე გუნდში ერთადერთი ფეხბურთელია, რომელიც 2004 წელს ქართულ-უკრაინულ დაპირისპირებაში მონაწილეობდა და ამჯერადაც ამის შანსი აქვს, რადგან მომავალი მეტოქის მთავარმა მწვრთნელმა მიხაილ ფომენკომ ნაკრებში უხმო.

აღსანიშნავია, რომ ფომენკო 1987-1989 წლებში ლანჩხუთის “გურიას” წვრთნიდა და გუნდი საბჭოთა კავშირის უმაღლეს ლიგაში დააბრუნა.

საქართველოს ნაკრების თავკაცი კახა ცხადაძე, რომელიც თავის დროზე ეროვნულ გუნდს კაპიტნობდა, ფეხბურთელობისას უკრაინელებს სანაკრებო დონეზე არასოდეს შეხვედრია. მწვრთნელის რანგში კი, უკრაინის ნაკრებთან დებიუტი ექნება.

მომავალი შეხვედრა თბილისის დროით 22:00 საათზე დაიწყება და “საზოგადოებრივი მაუწყებლის” “პირველი არხი” გადასცემს.

უკრაინა – საქართველო 4:0 (2:0)

1998 წელი. 19 აგვისტო. კიევი. სტადიონი “ოლიმპიისკი”. 13500 მაყურებელი. ამხანაგური მატჩი.

უკრაინა: შოვკოვსკი (ვორობიოვი, 46), ლუჟნი (სტაროსტიაკი, 70), ევტუშოკი (კოვალიოვი, 46), გოლოვკო, ვაჩშუკი, გუსინი, მიკიტინი, კალიტვინცევი (სკაჩენკო, 46), კოსოვსკი (მაქსიმიუკი, 42), შევჩენკო, რებროვი (კონოვალოვი, 46).

მთავარი მწვრთნელი: იოჟეფ საბო.

საქართველო: ტოგონიძე (გვარამაძე, 46), დიდავა (სილაგაძე, 73), კალაძე, შეყილაძე, ცქიტიშვილი, კობიაშვილი, ნემსაძე (კ) (წერეთელი, 46), ჯამარაული, ქეცბაია, ქინქლაძე, ალექსანდრე იაშვილი (დემეტრაძე, 61).

მთავარი მწვრთნელი: ვლადიმერ გუცაევი.

გოლები: რებროვი (1), 2:0 რებროვი (42), 3:0 სკაჩენკო (57), 4:0 კოვალიოვი (75).

გაფრთხილებები: კალაძე, შეყილაძე, ქეცბაია.

მთავარი მსაჯი: რომანს ლაიუკსი (ლატვია).

საქართველო-უკრაინა 0:1 (0:0)

1999 წელი. 20 მარტი. თბილისი. ბორის პაიჭაძის სახელობის სტადიონი. 40000 მაყურებელი. ამხანაგური მატჩი.

საქართველო: გრიშიკაშვილი, კალაძე, თარხნიშვილი, ბალაშვილი, წერეთელი, დავით ჯანაშია (ალქსიძე, 25), ნემსაძე (კ) (გახოკიძე, 75), ჩხაიძე, კობიაშვილი, დემეტრაძე, ფოცხვერია (აშვეთია, 54).

მთავარი მწვრთნელი: ვლადიმერ გუცაევი.

უკრაინა: ვორობიოვი (შოვკოვსკი, 46), კირიუხინი, მიკიტინი, გოლოვკო (ვაშჩუკი, 46), პოპოვი, კარდაში (გუსინი, 46), სკაჩენკო (მიზინი, 80), კალიტვინცევი (კონოვალოვი, 46), კოვალიოვი, ნაგორნიაკი (ციხმეისტრუკი, 74), კოვალი.

მთავარი მწვრთნელი: იოჟეფ საბო.

გოლი: 0:1 კონოვალოვი (77).

გაფრთხილება: ვაშჩუკი (63).

მთავარი მსაჯი: სლავიკ კაზარიანი (სომხეთი).

საქართველო – უკრაინა 0:0

2001 წელი. 14 თებერვალი. თბილისი. ბორის პაიჭაძის სახელობის სტადიონი. 35000 მაყურებელი.

საქართველო: გვარამაძე, სილაგაძე, კობიაშვილი (სევასტი თოდუა, 46), ალექსანდრე რეხვიაშვილი, ხიზანიშვილი, ქემოკლიძე, კალაძე, ყაველაშვილი (ცქიტიშვილი, 66), ქეცბაია (კ), ჯამარაული (აშვეთია, 60), არჩილ არველაძე (მენთეშაშვილი, 52).

მთავარი მწვრთნელები: დავით ყიფიანი, რევაზ ძოძუაშვილი.

უკრაინა: შოვკოვსკი, სტაროსტიაკი (პოპოვი, 48), ნესმაჩნი, გოლოვკო, დმიტრულინი, ვაშჩუკი, ლისიცკი, ტიმოშჩუკი, კარდაში (ვენგლინსკი, 66), ვორობეი, მელაშჩენკო (ხომა, 80).

მთავარი მწვრთნელი: ვალერი ლობანოვსკი.

გაფრთხილებები: დმიტრულინი (42), რეხვიაშვილი (90).

მთავარი მსაჯი: ხ.მამედოვი (აზერბაიჯანი).

უკრაინა – საქართველო 2:1 (1:0)

2002 წელი. 17 აპრილი. კიევი. სტადიონი “დინამო”. 20000 მაყურებელი. ამხანაგური მატჩი.

უკრაინა: შოვკივსკი (რევა, 53), კორმილცევი (მაქსიმოვი, 58), სკრიპნიკი (ზადოროჟნი, 58), ფიოდოროვი, ვაშჩუკი, გუსინი, შევჩენკო (შიშჩენკო, 50), ტიმოშჩუკი, ზუბოვი, ვორობეი (სკაჩენკო, 65), რებროვი (ნაგორნიაკი, 65).

მთავარი მწვრთნელი: ლეონიდ ბურიაკი.

საქართველო: გვარამაძე, კობიაშვილი, შაშიაშვილი, ალექსანდრე რეხვიაშვილი, საჯაია (ბურდული, 52), შეყილაძე, ამისულაშვილი (ვიტალი დარასელი, 84), ჯამარაული (კ) (ქემოკლიძე, 79), ყაველაშვილი (დიდავა, 46), ქინქლაძე (ალექსიძე, 70), დემეტრაძე (აშვეთია, 81).

მთავარი მწვრთნელი: ალექსანდრე ჩივაძე.

გოლები: 1:0 რებროვი (17), 1:1 ბურდული (72), 2:1 ტიმოშჩუკი (90).

მთავარი მსაჯი: ლუბოშ მიხელი (სლოვაკეთი).

უკრაინა – საქართველო 2:0 (1:0).

2004 წელი. 13 ოქტომბერი. ლვოვი. სტადიონი “კარპატი”. 28000 მაყურებელი. მსოფლიოს 2006 წლის ჩემპიონატის შესარჩევი ციკლი.

უკრაინა: შოვკოვსკი, ნესმაჩნი, ფიოდოროვი, ეზერსკი (ჩეჩერი, 46), ტიმოშჩუკი, გუსინი, რუსოლი, გუსევი, ვორონინი (შელაევი, 39, ზაკარლიუკა, 64), შევჩენკო, ბელიკი.

მთავარი მწვრთნელი: ოლებ ბლოხინი.

საქართველო: დევაძე, მჟავანაძე (ბურდული, 46), ხიზანიშვილი, სალუქვაძე, ხიზანეიშვილი, კობიაშვილი, ასათიანი, ცქიტიშვილი, ჯამარაული (კ) (დემეტრაძე, 85), ალექსანდრე იაშვილი, შოთა არველაძე.

მთავარი მწვრთნელი: ალენ ჟირესი (საფრანგეთი).

გოლები: 1:0 ბელიკი (12), 2:0 შევჩენკო (79).

გაფრთხილებები: ხიზანიშვილი (47), არველაძე (62), ასათიანი (80), შოვკოვსკი (80), ბურდული (85).

მთავარი მსაჯი: ვოლფგანგ შტარკი (გერმანია).

საქართველო – უკრაინა 1:1 (0:1)

2005 წელი. 3 სექტემბერი. თბილისი. მიხეილ მესხის სახელობის სტადიონი. უმაყურებლოდ. მსოფლიოს 2006 წლის ჩემპიონატის შესარჩევი ციკლი.

საქართველო: ლომაია, მენთეშაშვილი (გოგუა, 78), ხიზანიშვილი, კალაძე (კ), კობიაშვილი (დავით მუჯირი, 78), ოდიკაძე, კანკავა, ცქიტიშვილი, გახოკიძე, ასათიანი (აშვეთია, 87), დემეტრაძე.

მთავარი მწვრთნელი: გაიოზ დარსაძე.

უკრაინა: შოვკოვსკი, ნესმაჩნი, ფიოდოროვი, ტიმოშჩუკი, ეზერსკი, რუსოლი, შევჩენკო, ვორონინი (ნაზარენკო, 75), შიშჩენკო (რებროვი, 68), გუსინი, როტანი.

მთავარი მწვრთნელი: ოლეგ ბლოხინი.

გოლები: 0:1 როტანი (43), 1:1 გახოკიძე (89).

მთავარი მსაჯი: ტომ ოვრებო (ნორვეგია).

უკრაინა – საქართველო 3:2 (1:1)

2006 წელი. 6 სექტემბერი. კიევი. სტადიონი “ოლიმპიისკი”. 43000 მაყურებელი. ევროპის 2008 წლის ჩემპიონატის შესარჩევი ციკლი.

უკრაინა: შოვკოვსკი, ნესმაჩნი, რუსოლი, ტიმოშჩუკი, როტანი, შელაევი, გუსევი, რებროვი (ვორონინი, 57), გუსინი (ეზერსკი, 46), ტკაჩენკო (ვორობეი, 63), შევჩენკო.

მთავარი მწვრთნელი: ოლეგ ბლოხინი.

საქართველო: ჭანტურია, იმედაშვილი (კანდელაკი, 35), ხიზანეიშვილი, ასათიანი, გოგუა, კობიაშვილი (კ), კანკავა, კვირკველია (დავით მუჯირი, 85), მენთეშაშვილი (აშვეთია, 81), შოთა არველაძე, დემეტრაძე.

მთავარი მწვრთნელი: კლაუს ტოპმიოლერი (გერმანია).

გოლები: 1: შევჩენკო (31), 1:1 არველაძე (38), 1:2 დემეტრაძე (61), 2:2 როტანი (61), 3:2 რუსოლი (80).

გაფრთხილებები: გოგუა (25), კობიაშვილი (32), დემეტრაძე (39), ეზერსკი (60), არველაძე (89), ხიზანიშვილი (89).

მთავარი მსაჯი: იაროსლავ იარა (ჩეხეთი).

საქართველო – უკრაინა 1:1 (0:1)

2007 წელი. 8 სექტემბერი. თბილისი. ბორის პაიჭაძის სახელობის სტადიონი. 25000 მაყურებელი. ევროპის 2008 წლის ჩემპიონატის შესარჩევი ციკლი.

საქართველო: ლომაია, ღვინიანიძე, ასათიანი, კალაძე (კ), სალუქვაძე, ცქიტიშვილი, მენთეშაშვილი (ტატანაშვილი, 79), მარცვალაძე, ჯაკობია (სირაძე, 62), დემეტრაძე, ალექსანდრე იაშვილი (ყენია, 62).

მთავარი მწვრთნელი: კლაუს ტოპმიოლერი (გერმანია).

უკრაინა: შოვკოვსკი, ეზერსკი, რუსოლი, კუჩერი, გუსევი, ტიმოშჩუკი, როტანი (გაი, 80), ნაზარენკო, შელაევი (გლადკი, 88), შევჩენკო, ვორონინი (კალინიშენკო, 72).

მთავარი მწვრთნელი: ოლეგ ბლოხინი.

გოლები: 0:1 შელაევი (7), 1:1 სირაძე (89).

გაფრთხილებები: იაშვილი (51), ცქიტიშვილი (63), როტანი (67), ღვინიანიძე (89), შევჩენკო (90).

მთავარი მსაჯი: ალენ ჰამერი (ლუქსემბურგი).