გამთენიისას ნაციონალური საკალათბურთო ასოციაციის სუპერფინალის მეორე შეხვედრაში “გოლდენ სტეიტი” შინ “კლივლენდს” დაუპირისპირდა.

მატჩის დასრულებამდე 7 წამით ადრე ოკლენდელთა ლიდერმა სტეფ კარიმ 2-ქულიანი ჩააგდო და ანგარიში 87:87 გახადა. დარჩენილ წამებში ლებრონმა მეტოქის სამწამიანში შეჭრა მოახერხა, თუმცა ბურთი არასწორად გადაგზავნა კალათისკენ და შეხვედრაში დამატებითი 5-წუთეული დაინიშნა. ერთი შეხედვით ერთი-ერთში პირველი შეხვედრა მეორდებოდა. მაგრამ ოვერტაიმში “კავალერია” უფრო მობილიზებული ჩანდა. მნიშვნელოვანი 3-ქულიანი შამპერტმა ჩააგდო. “გოლდენ სტეიტი” 93:92 იგებდა, 19 წამიღა იყო შეხვედრის დასრულებამდე დარჩენილი. “მეფემ” კვლავ ფარქვეშიდან სცადა 2 ქულის აღებდა, თუმცა იქ დრაიმონდ გრინი დახვდა, რომელმაც ჯეიმსს დააფარა. ბურთი მეთიუ დელავედოვას ჩაუვარდა, რომლის წინააღმდეგაც თამაშის წესები დაარღვიეს. მეთიუმ 2-დან ორი საჯარიმო სროლა გამოიყენა და გუნდი 1 ქულით წინ გაიყვანა. “მეომრების” ლიდერმა სტეფ კარიმ შეხვედრის დასრულებამდე 5 წამით ადრე 2 ქულიანი ისროლა, თუმცა ბურთი კალათში არ ჩაეშვა და ჯეიმსის ხელში აღმოჩნდა. ოკლენდელებმა ტაქტიკური ჯარიმა აიღეს, ლებრონმა 2-დან ერთი ჯარიმა გამოიყენა და შეხვედრაში საბოლოო ანგარიში 95:92 “კავალიერსის” სასარგებლოდ დააფიქსირა.

“კლივლენდში” ლებრონ ჯეიმსი გამორიჩა, რომელმაც სამმაგი დუბლი შეასრულა (39 ქულა, 16 მოხსნა, 11 პასი). “გოლდენ სტეიტს” კლეი ტომპსონი 34 ქულით ულიდერა.

სერიაში ანგარიში 1:1 გახდა. მესამე შეხვედრა “კლივლენდის” დარბაზში 10 ივნისს გაიმართება.

“გოლდენ სტეიტ უორიორსი” – “კლივლენდ კავალიერსი” 93:95 (20:20, 25:27, 14:15, 28:25 ო.ტ. 6:8)

“გოლდენ სტეიტი”: ტომპსონი (34 ქ. 5 მ.) კარი (19 ქ. 6 მ. 5 პ.), ბარნსი (11 ქ. 6 მ.), გრინი (10 ქ. 10 მ.), იგუადალა (7 ქ. 6 მ.), ბარბოსა (5 ქ.), ლივინგსტონი (3 ქ.), ეზელი (2 ქ.), ბოგუტი (2 ქ. 10 მ.)

“კლივლენდი”:ჯეიმსი (39 ქ. 16 მ. 11 პ.), მოზგოვი (17 ქ. 11 მ.), სმიტი (13 ქ.), დელავედოვა (9 ქ.), ჯონსი (8 ქ.), შამპერტი (7 ქ.), ტომპსონი (2 ქ. 14 მ.)

https://www.youtube.com/watch?v=10OJ8gdu6kY

სერიაში ანგარიში 1:1