შესაძლოა, კარლოს ტევესი “ლივერპულის” ფეხბურთელი გახდეს. ინფორმაციას Tuttomercatoweb ავრცელებს, თუმცა, კლუბებისა თუ ფეხბურთელის მხრიდან ოფიციალური განცხადება ჯერ არ გაკეთებულა.

31 წლის არგენტინელს ინგლისის პრემიერლიგაში არაერთი სეზონი გაუტარებია. იგი 2006 წელს “ვესტ ჰემის” ფეხბურთელი გახდა, შემდეგ “მანჩესტერ იუნაიტედსა” და “მანჩესტერ სიტიში” ითამაშა და 2013 წელს დატოვა ნისლიანი ალბიონი.

ტევესმა ბოლო ორი სეზონი “იუვენტუსში” გაატარა. ამ პერიოდში ტურინული კლუბი ორჯერ გახდა იტალიის ჩემპიონი, ასევე მოახერხა ჩემპიონთა ლიგის ფინალამდე გასვლა.