“ბარსელონას” მთავარმა მწვრთნელმა ლუის ენრიკემ ჩემპიონთა ლიგის ფინალის შემდეგ პრესკონფერენციაზე განაცხადა, რომ მისმა გუნდმა გამარჯვება დაიმსახურა.

“ვფიქრობ, “იუვენტუსისნაირ” ძლიერ მოწინააღმდეგესთან განსაკუთრებულად ვითამაშეთ. შევქმენით მეტი მომენტი, ვიდრე იტალიელებმა. ჩვენ უკეთესები ვიყავით და გამარჯვება დავიმსახურეთ. სეზონის განმავლობაში 60 მატჩი ჩავატარეთ რეკორდული შედეგით - 50 მოვიგეთ, 4 ფრედ დავასრულეთ, და მხოლოდ 6 წავაგეთ. ვულოცავ ფეხბურთელებს ასეთ შედეგს. “ბარსელონა” ბოლო ათი წლის განმავლობაში ევროპის საუკეთესო გუნდია.” – განაცხადა ესპანელმა მწვრთნელმა.

“ბლაუგრანამ” 2014/15 წლების სეზონში ჰეთრიკი შეასრულა - მოიგო პრიმერადივიზიონი, ესპანეთის სამეფო თასი და უეფას ჩემპიონთა ლიგა.