პარიზში მიმდინარე “როლან გაროსის” ტურნირის ნახევარფინალში პლანეტის ნომერ პირველმა ჩოგბურთელმა სერბმა ნოვაკ ჯოკოვიჩმა ბრიტანელი ენდი მარეი 5 სეტში 6:3, 6:3, 5:7, 5:7, 6:1 დაამარცხა. მატჩი გუშინ 6:3, 6:3, 5:7, 3:3-ზე შეწყდა წვიმის გამო და დღეს განახლდა. მარეი გადადებულ შეხვედრაში უკეთესაც ჩაერთო და სეტებში ანგარიში გაათანაბრა. მაგრამ გადამწყვეტ მეხუთე სეტში ნოლემ ბრიტანელს არაფერი დაუთმო და საოცნებო ტიტულამდე ერთი ნაბიჯიღა დარჩა. შეხვედრა 4 საათსა და 12 წუთს გაგრძელდა. ჯოკოვიჩმა 8 ეისი ჩააწოდა და 2 ორმაგი შეცდომა დაუშვა, მარეიმ 12 ესისი მოაწოდა და მხოლოდ ერთი ორმაგი დაუშვა.

ნოვაკი “როლან გაროსის” ფინალში შვეიცარიელ სტანისლას ვავრინკას დაუპირისპირდება. აქამდე ეს ორი ჩოგბურთელი ერთმანეთს 20-ჯერ შეხვედრიან, საიდანაც ნოვაკმა 17 მატჩი მოიგო, ხოლო სტენმა – 3.

შეგახსენებთ, რომ ჯოკოვიჩს 4 დიდი სლემის ტურნირიდან მხოლოდ “საფრანგეთის ღია პირველობა” არ აქვს მოგებული. სერბი აქამდე “როლან გაროსის” ფინალში ორჯერ ყოფილა 2012 და 2014 წლებში, თუმცა ორივეჯერ რაფაელ ნადალთან დამარცხდა.

ჯოკოვიჩი - ვავრინკას შეხვედრა ხვალ თბილისის დროით 17:00 საათზე დაიწყება, თუ წვიმამ არ შეიტანა კორექტივები.

ჯოკოვიჩი - მარეის მატჩის მნიშვნელოვანი მომენტები: