ევროპის გრან პრის პირველი, მოსკოვის ეტაპის მეორე მატჩში საფრანგეთის ნაკრები საქართველოსაზე ბევრად ძლიერი აღმოჩნდა და 49:0 დაგვამარცხა.

დასაწყისს თითქოს არაუშავდა, მეტოქეს ბურთიც ავართვით, მაგრამ მერე ის ჩვენივე შეცდომით დავკარგეთ და დაიწყო. ამის შემდეგ ბურთი პრაქტიკულად აღარც გვქონია, ცენტრიდან შეყვანილი დარტყმაც მეტოქეს რჩებოდა და ნაირ-ნაირი ლელოებიც გავიდა. ფრანგებმა პირველ ტაიმში სამჯერ, ხოლო მეორეში 4-ჯერ დაამიწეს ბურთი ქართველთა ჩათვლის მოედანში. მათმა დამრტყმელმა ყველა პოზიციიდან ზუსტად ურტყა და გარდასახვები მარჯვენა (ორჯერ) და მარცხენა ფლანგებიდან იტანა.

შეგახსენებთ, პირველ შეხვედრაში საქართველო უელსთან 7:19 დამარცხდა. საფრანგეთთან ტურნირზე ჯერჯერობით სარეკორდო მარცხის გამო, საქართველოს ორ საუკეთესო მესამეადგილოსანს შორის მოხვედრა გაუჭირდება, ჯგუფური ეტაპის დასკვნითი მატჩი კი, რუმინეთთან 17 საათზე დაიწყება.