“დალას მავერიკსის” 36 წლის ფორვარდი დირკ ნოვიცკი 2015 წლის ევრობასკეტზე გერმანიის ეროვნულ ნაკრებს დაეხმარება, აღნიშნულ ინფორმაციას პორტალი crossover-online.de ავრცელებს.

ნოვიცკის ევრობასკეტი არასდროს მოუგია. დირკი ყველაზე ახლოს ევროპულ ტიტულთან 2005 წელს იყო, როდესაც ალემენები ევროპის ჩემპიონატის ფინალში საბერძნეთის ნაკრებთან 62:78 დამარცხდნენ. იმ წელს ნოვიცკი ევროპის ჩემპიონატის MVP-ად აღიარეს.

თუ გავითვალისწინებთ ნოვიცკის ასაკს, დიდი ალბათობით, გერმანის საუკეთესო კალათბურთელი ნაკრებს ევრობასკეტზე ბოლოჯერ დაეხმარება.

შეგახსენებთ, რომ ევრობასკეტის ჯგუფურ ეტაპზე გერმანიის მეტოქები არიან: ესპანეთი, თურქეთი, სერბეთი, იტალია და ისლანდია. ტურნირი 5 სექტემბერს აიღებს სტარტს.