"მანჩესტერ სიტის" აწ უკვე ყოფილი მცველი დედრიკ ბოიატა კარიერას გლაზგოს "სელტიკში" გააგრძელებს. შოტლანდიური გრანდის ოფიციალური ვებგვერდის ინფორმაციით, ბელგიელმა ფეხბურთელმა ახალ კლუბთან 4-წლიანი კონტრაქტი გააფორმა და 20-ნომრიანი მაისურით ითამაშებს.

24 წლის მოთამაშეს ინგლისელებთან ხელშეკრულება 2016 წლის ივლისამდე ჰქონდა გაფორმებული. ჯერჯერობით უცნობია, რამდენი მილიონი გადაიხადა "სელტიკმა" ფეხბურთელის სანაცვლოდ.

გასულ სეზონში აფრიკული ფესვების მქონე მცველმა ყველა ტურნირზე მხოლოდ 6 მატჩი ჩაატარა. ფეხბურთელის სატრანსფერო ღირებულება მილიონ ევროს შეადგენს.