“ჰიუსტონ როკეტსის” ფორვარდი დონატას მოტეიუნასი 2015 წლის ევროპის ჩემპიონატზე ლიტვის საკალათბურთო ნაკრებს ვერ დაეხმარება. აღნიშნულის შესახებ ინფორმაციას The Houston Chronicle ავრცელებს.

ლიტველი კალათბურთელი ზურგზე გაკეთებული ოპერაციის შემდეგ ხანგრძლივ სარეაბილიტაციო კურსს საჭიროებს და მცირე დატვირთვით ვარჯიშს მხოლოდ რამდენიმე კვირის შემდეგ შესძლებს, ევრობასკეტამდე სრულად მომჯობინებას კი ვერ მოასწრებს.

შეგახსენებთ, რომ მომავალი ტურნირი 5-20 სექტემბერს ჩატარდება, ლიტველებს კი თამაში ლატვიის დედაქალაქ რიგაში მოუწევთ, სადაც, D ჯგუფში მასპინძელთა გარდა, ესტონეთს, უკრაინას, ბელგიას და ჩეხეთს დაუპირისპირდებიან.