“მანჩესტერ იუნაიტედის” კოლუმბიელი შემტევი რადამელ ფალკაო ზაფხულში გუნდს დატოვებს და “მონაკოში” დაბრუნდება – იუწყება The Telegraph. წყაროს ცნობით, ფალკაოს დატოვება “წითელი ეშმაკების” მთავარი მწვრთნელის, ლუის ვან გაალის გეგმებში არ შედის. როგორც ჩანს, ვან გაალი კოლუმბიელის თამაშით უკმაყოფილოა.

სეზონის დასაწყისში რადამელ ფალკაო “მონაკოდან” იჯარის წესით “მანჩესტერში” გადავიდა. კოლუმბიელმა 26 მატჩი ჩაატარა და 4 გოლი გაიტანა.