მადრიდის “რეალის” ფორვარდი ქარიმ ბენზემა ტრავმირებულია. ფრანგს მუხლის ქვედა მყესი აწუხებს. ასე რომ, ბენზემა სეზონის უკანასკნელ მატჩში “რეალს” ვერ დაეხმარება.

ქარიმ ბენზემას ამ ტიპის ტრავმა მიმდინარე სეზონის მეორე ნახევარში აწუხებდა, შემდეგ “იუვენტუსთან” საპასუხო მატჩში დაუბრუნდა გუნდს, თუმცა ტრავმამ კვლავ შეაწუხა და ლაზარეთს დაუბრუნდა.

შეგახსენებთ, ჩემპიონატის დასკვნით ტურში “რეალი” “ხეტაფეს” უმასპინძლებს. გამომდინარე იქიდან, რომ “სამეფო კლუბი” ჩემპიონთა ლიგისა და ესპანეთის თასის გათამაშებებს გამოეთიშა, ეს მატჩი მადრიდელებისთვის სეზონში უკანასკნელი იქნება.